Жұмыс жоспары

/public/files/2026/4/28/280426_121010_ghmys-ghospary.pdf

Жоспардың мазмұны

І. Білім беру үдерісін оқу-әдістемелік жағынан ұйымдастыруды қамтамасыз ету

1.1.  Білім беру үдерісіне диагностика, түзету және мониторинг жүргізу

1.2.  Оқу-тәрбие үдерісін жетілдіруге бағытталған әдістемелік кеңестер беру

1.3.  Білім беру жүйесін кешенді ақпараттандыру

ІІ. 2025-2026  оқу жылына арналған жұмыс жоспары

ІІІ Білім беру саласындағы кадрлардың біліктілігін көтеру жұмыстарын ақпараттық-әдістемелік қамтамасыз ету

2.1. Педагог қызметкерлердің кәсіби дамуын ақпараттық-әдістемелік  қамтамасыз ету

2.2. Акциялар, форумдар, дөңгелек үстелдер, конференциялар, педагогикалық оқулар

2.3. Аудандық ,облыстық байқаулар, олимпиадалар, фестивальдар

2.4. Ата-аналар қоғамдастығы кеңесінің тізімі

2.5. Әдістемелік кеңестің тізімі

2.6.Әдіскерлер жетекшілік ететін мектептер тізімі

ІV. Астрахан ауданының білім беру ұйымдарының желісі

 V . Әдістемелік кеңестің жоспары

VI. Әдіскерлердің жылдық жұмыс жоспары

VII. Әдістемелік кабинеттің айлық, апталық жұмыс жоспары

VIIІ. Нормативтік құқықтық актілердің тізімі

                                                                             Әдістемелік кабинеттің  тақырыбы:

 «Білім берудегі басшылық пен басқарудағы жобалау және қамтамасыз ету – тұлғалық құзыреттілікті арттырудың тиімді жолы»

(Инновациялық басқару мәдениетін, цифрлық сауаттылықты және кәсіби құзыреттілікті дамыту арқылы сапалы білім беруді қамтамасыз ету)

Тақырыптың өзектілігі:

       Қазіргі кезеңде білім беру жүйесін тиімді басқару мен педагогтің тұлғалық құзыреттілігін арттыру білім сапасын көтерудің басты шартына айналып отыр.
      2025–2026 оқу жылы – цифрлық трансформация мен функционалдық сауаттылықты дамыту, білім сапасын басқаруда мониторингтік мәдениетті қалыптастыру жылы.
      Осыған байланысты әдістемелік қызметтің басты бағыты — басқарудағы жобалық тәсілді жетілдіру, цифрлық және тұлғалық құзыреттілікті дамыту, білім беру сапасын қамтамасыз етудің жүйелі моделін қалыптастыру болып табылады.

Тақырып аясындағы негізгі бағыттар:

1. Жобалық басқару – мектеп дамуының стратегиясын жобалау, командалық шешім қабылдау мәдениетін енгізу;
2. Басқарудағы инновациялар – білім беру сапасын арттыру мақсатында цифрлық құралдарды, AI-технологияларын қолдану;
3. Тұлғалық даму – педагогтің эмоционалды интеллектін, кәсіби өзін-өзі басқаруын және көшбасшылығын қалыптастыру;
4. Кәсіби қоғамдастық құру – әдіскерлер, тәлімгерлер мен жас педагогтер арасындағы серіктестік пен тәжірибе алмасу алаңын кеңейту;
5. Сапаны қамтамасыз ету жүйесі – ішкі мониторинг, білім сапасын диагностикалау және нәтижелер бойынша шешім қабылдау.

Мақсаты:

     Педагогикалық және басқарушылық қызметтің заманауи моделін енгізу арқылы білім сапасын арттыру, педагогтердің кәсіби және тұлғалық құзыреттілігін дамытуға, инновациялық және жобалық басқару мәдениетін қалыптастыруға жағдай жасау, инновациялық іс-әрекеттер арқылы педагогтердің кәсіби біліктіліктерін дамыту.

Міндеттері:

1. Білім сапасын арттыруға бағытталған жобалық және нәтижеге бағдарланған басқару жүйесін енгізу.
2. Басқару шешімдерін қабылдауда цифрлық деректер мен аналитикалық мониторинг нәтижелерін пайдалану мәдениетін қалыптастыру.
3. Әдістемелік қызмет пен мектеп әкімшілігі арасындағы ынтымақтастық пен үйлестіруді жетілдіру.
4. Педагогтердің тұлғалық құзыреттілігін, кәсіби жауапкершілігі мен көшбасшылық қабілеттерін дамыту.
5. Ұлттық жобалар («Білімді ұлт», «Жайлы мектеп», «Цифрлық Қазақстан») аясында білім беру сапасын қамтамасыз етудің тиімді тетіктерін енгізу.
6. Жасанды интеллект пен цифрлық платформаларды басқару мен оқыту процесінде тиімді қолдану.
7. Педагогтердің үздіксіз кәсіби дамуына жағдай жасап, Lesson Study, Action Research, EdTech-практикумдар, педагогикалық хакатондар ұйымдастыру.
8. Жаңартылған білім беру мазмұны аясында педагог қызметкерлерге  ақпараттық , әдістемелік көмек беру;
9. білім берудегі инновациялық, педагогикалық тәжірибені анықтау, меңгеру мен бағалау нәтижелерін таратуда мұғалімдердің шығармашылық бастамалары мен кәсіби өсуін ынталандыруда қолдау көрсету;
10. педагогтардың шығармашылық ойларын дамыту, педагогикалық қызметкердің біліктілігін және кәсіби шеберлігін арттыру жұмыстарын ұйымдастыру;
11. мұғалімдерге ғылыми- педагогикалық жетістіктер мен озат тәжірибелерді меңгеруге, өз тәжірибесіне енгізуге әдістемелік көмек көрсету;
12. мұғалім бойына құзыреттілікті қалыптастыру, дамыту іс әрекетін ұйымдастыру, осы бағыттағы  әдістемелік жұмыстарды үйлестіру;
13. мұғалімдердің кәсіби деңгейін арттыру арқылы білім сапасын көтеру;
14. мұғалімдердің оқу үрдісінде ақпараттық- коммуникативтік технологияларды қолдануларына әдістемелік көмек көрсету;
15. тәжірибе - эксперименттік   және зерттеу жұмыстарын ұйымдастыру, жетекшілік ету;
16. жеке тұлғаның қоғамдық белсенділігін, азаматтық әлеуметін, тілдесу мәдениетін және социумдағы тәрбиесін, салауатты өмір салты дағдыларын қалыптастыру.
17. Мұғалімдердің  құзыреттілігін қалыптастыру арқылы, оқушылардың функционалдық сауаттылығын қалыптастыру;
18. Мұғалімдердің кәсіби біліктілігін арттыру мақсатында шығармашылық байқаулар мен олимпиадалар өткізу;
19. Дарынды оқушылармен жұмысты жандандыру;
20. Қазақстан Республикасының мемлекеттік рәміздерін насихаттау;
21. Атаулы мемлекеттік мерекелер мен мерейтойларға арналған іс-шаралар ұйымдастыру.

Әдістемелік кабинет қызметінің  басым бағыттары:

1.  әдістемелік кеңестің, педагогтердің шығармашылық және жұмыс топтарының қызметін ұйымдастыру, педагогикалық және басшы қызметкерлерге білім берудің өзекті мазмұнын және оны іске асыру әдістерін іріктеу мен меңгеруде практикалық көмек көрсету;

2       білім берудің барлық деңгейлерінде жаңа буынның білім беру стандарттарын іске асыру сапасын мақсатты түрде енгізу және пысықтау;

3. білім беру ұйымдарында оқу-тәрбие процесін ұйымдастыру мен мазмұнына мониторингті жүзеге асыру, оны жетілдіру бойынша ұсынымдар әзірлеу және атаулы әдістемелік көмек көрсету;

1.  әлемдік және отандық озық мектептер тәжірибесі негізінде педагогтардың біліктілігін үздіксіз арттыру, білім беру ұйымдарының жұмыс тәжірибесіне ғылым жетістіктері мен озық педагогикалық тәжірибені тарату, әдістемелік қызметті желілік қауымдастық, шығармашылық озат тәжірибе топтардың және басқа да кәсіби бірлестіктер арқылы жүргізу;
2. педагогтердің кәсіби деңгейлерінің  өсуіне, байқауға қатысуына әдістемелік қолдау көрсету;
3. жас мамандарды қолдау, әдістемелік, шығармашылық өсуіне жағдай туғызу;
4. дарынды балалармен жұмыс жүргізу, олимпиада және байқауларды өткізу, облыстық, республикалық, халықаралық деңгейдегі  жарыстарға қатасуына жетекшілік ету, сүйемелдеу

Мақсатқа жету қадамдары:

1. Әдістемелік жұмыстың әртүрлі нысанын, оқу-тәрбие процесін жетілдіруге және педагогтерге, білім беру ұйымдарына көмек көрсетуге бағытталған білім беру қызметкерлерінің кәсіби біліктілігін арттыру жөніндегі жұмыстарды (коучингтер, шеберлік-сыныптар, консультациялар, сабақтарды талдау, дәрістер, семинарлар, ғылыми-практикалық конференциялар, педагогикалық оқулар, кәсіби шеберлік байқаулар және т.б.) ұйымдастыру және өткізу;

2. Педагогикалық қызметті зерделеу, талдау және бағалау, тәрбиеленушілер мен оқушылардың білім беру жетістіктерін мониторингілеу, жұмыс тәжірибесін жинақтауды және жүйелендіруді қамтамасыз ету, тиімді нысандар және олардың нәтижелілігі туралы деректер банкін құру;

3. Білім беру ұйымдарына және жекелеген педагогтарға инновациялық қызметте қолдау көрсету, тәжірибелік-эксперименттік және зерттеу жұмыстарын жүргізу;

4. Педагогтерді мемлекеттік білім беру саясатының негізгі үрдістерімен ақпараттандыру, оқытудың сыныптан тыс,  пәндік мектептен тыс және тәрбие жұмыстарының инновациялық түрлері мен әдістерін зерделеу және шығармашылық меңгеру;

5. Педагогтерді балалар мен ересектерді оқыту, тәрбиелеу және дамыту проблемалары бойынша оқулықтар мен оқу-әдістемелік әдебиеттер туралы қажетті ақпараттармен қамтамасыз ету, ақпараттық-библиографиялық жұмысты жүргізу, медиатека әзірлеу;

6. Білім алушыларға білім беру мен оларды тәрбиелеуге қатысатын білім беру ұйымдары, мемлекеттік және үкіметтік емес құрылымдары, ЖОО ғалымдарымен өзара іс-қимылы мен ынтымақтастығын облыстық, республикалық және халықаралық деңгейлерде ұйымдастыру;

7. Біліктілікті арттыру ұйымдарымен бірлесіп, педагог және басшы қызметкерлердің біліктіліктерін арттыруды болжау, жоспарлау және ұйымдастыру, педагогтерге үздіксіз білім беру жүйесінде ұйымдастыру-әдістемелік көмек көрсету;

Күтілетін нәтижесі:

1. Білім беруді жаңартылған мазмұнға көшіру аясында педагогтар ақпараттық-аналитикалық, педагогикалық-ұйымдастырушылық, оқу және ғылыми-әдістемелік қамтамасыз етіледі, педагог кадрлардың үздіксіз білім алу жұмыстары жүзеге асырылады.

2. Заманауи оқыту әдістемелері мен инновациялық педагогикалық технологияларды оқу үрдісіне енгізудің озық педагогикалық іс-тәжірибелері облыс, республика көлемінде таратылады.

3. Білім беру мекемелерінің оқу-тәрбие жұмыстарының көрсеткіштеріне педагогикалық талдау, диагностикалау, түзету, зерделеу және болжау жұмыстары жүргізіліп, нәтижесі жарияланады.

4. Облыстық, республикалық және халықаралық іс-шараларға қатысушылар ақпараттық-әдістемелік қамтамасыз етіледі, әдістемелік қызметті үйлестірудің инновациялық менеджмент негіздері қалыптасып, дамиды.

Басшылыққа алатын нормативтік-құқықтық құжаттар

• Қазақстан Республикасының Конституциясы;
• Қазақстан Республикасының «Білім туралы» Заңы (24.11.2015 жылы берілген өзгерістер мен толықтыруларымен);
• Қазақстан Республикасының «Педагог мәртебесі туралы» Заңы (27.12.2019 ж.);
• Қазақстан Республикасының «Еңбек кодексі» (23.11.2015 ж.);
• Қазақстан Республикасының «Сыбайлас жемқорлыққа қарсы іс-қимыл туралы» Заңы (18.11.2015 ж.);
• Қазақстан Республикасының «Бала құқықтары туралы» Заңы;
• Қазақстан Республикасының «Азаматтық процестік кодексі»;
• Қазақстан Республикасы «Неке (ерлі-зайыптылық) және отбасы туралы» кодексі;
• Қазақстан Республикасының «Діни қызмет және діни бірлестіктер туралы» Заңы;
• Қазақстан Республикасы Білім және ғылым министрінің 2009 жылғы 13 шілдедегі № 338 бұйрығымен бекітілген «Педагог қызметкерлер мен оларға теңестірілген тұлғалардың лауазымдарының үлгілік біліктілік сипаттамалары»;
• Қазақстан Республикасы Білім және ғылым министрінің 29.11.2007 жылғы №583 бұйрығымен бекітілген «Оқу-әдістемелік жұмысты ұйымдастыру және жүзеге асыру Ережесі»;