1 маусым – Балаларды қорғау күні!

🎉 1 маусым – Балаларды қорғау күні! 🎉
Бүгін Аудандық мәдениет үйінің алаңында Халықаралық балаларды қорғау күніне арналған жарқын да әсерлі мерекелік шара өтті.
Мереке Аудандық мәдениет үйінде ұйымдастырылған концерттік бағдарламамен басталды. Аудан әкімі Т. Ерсеитов бүлдіршіндерді мерекемен құттықтап, аудан әкімінің атынан барлық балаларға тәтті сыйлықтар таратты.
Балалар үшін әркім өз қызығушылығына сай көңіл көтере алатын нағыз ғажайыптар қалашығы ұйымдастырылды:
🎨 Арт-аймақ – асфальтқа сурет салу және аквагрим;
♟️ Зияткерлік клуб – шахмат пен дойбыдан тартысты сайыстар;
📄 Қағаз ғажайыптары – оригами жасау бойынша қызықты шеберлік сабағы;
🏃‍♂️ Спорт алаңы – ең жылдам әрі епті балаларға арналған көңілді жарыстар;
🧸 Балалар ойын алаңы – ең кішкентай қонақтарға арналған қызықты ойындар мен көңіл көтеру бағдарламалары.
Аудан кәсіпкерлері де мерекеге өз үлестерін қосып, балаларға түрлі тәттілер үлестірді.
Шара көтеріңкі көңіл-күй мен шаттыққа толы атмосферада өтіп, бүлдіршіндерге жарқын әсерлер мен қуанышты сәттер сыйлады.
💐 Барша балаларды мерекемен құттықтаймыз! Дендеріне саулық, отбасыларына амандық, бақыт пен шаттық, оқуда табыс және жазғы демалыстың ұмытылмас әсерлерін тілейміз!