Құрметті Ұстаздар қауымы!

Сіздерді келе жатқан төл мерекелеріңізбен құттықтаймын!

 «Ұстаздық етпес жалықпас үйретуден балаға» - деген ұлы Абай атамыз. Сіздер жас ұрпақтың санасына сыналай енгізетін тәлім – тәрбие, үлгі - өнеге өлшеусіз. Сіздер – жастардың болашағын айқындайсыздар, бүгін еккен дәндеріңіз ертеңгі жеңісті - жемісті күннің кепілі. Ұстаз болашақ азаматтарды ғана емес, бүкіл болашақ қоғамды қалыптастырады.

“Оқытушыны бағалағанда, олардың іске қатысы жоқ сөздеріне қарап емес, олардың егістіктерінің бетіне шыққан жемістеріне, яғни оқушыларына қарап бағалау керек”деген еді,Ыбырай Алтынсарин.Мемлекетіміздің Президенті Қасым-Жомарт Тоқаев «Тәуелсіздік бәрінен қымбат» атты бағдарламалық мақаласында тәуелсіздігіміздің 30 жылдық мерейтойында біртуар тұлғаларды еске алып, олардың мұрасын жастарымызға және бүкіл әлемге паш етуіміз керек екенін атап көрсеткен болатынТәуелсіздікке ұмтылыс жан алып, жан беретін күреспен қатар, рухани өміріне айрықша ықпал еткен ағартушылардың отарлау саясатына қарсы идеялық күресімен де ерекшеленеді. Солардың ең ірі өкілдерінің бірі, ұлтымыздың ұлықты ұстазы – Ыбырай Алтынсарин деп білеміз.

Бүгінде Ыбырай Алтынсариннің туғанына 180 жыл толып отыр. Тарих сахнасында өзінің ізін салған ағартушының есімі мен еңбектері ұмытылмақ емес. Біз де жас ұрпақты кемел біліммен сусындауға, ұлылар есімін мәңгі жадында сақтап насихаттап жүруге үндейміз!

Білім көшін жылжытып келе жатқан ұстаздар қауымына құрмет арта бермек!

Шәкірттеріңіздің құрметі мен махаббатына бөленіңіздер. Шығармашылық ізденістер, ғылыми жаңалықтарыңыз арта берсін.

Мерекелеріңізбен! Мерейлеріңіз үстем болсын!